2024 മോഡൽ Range Rover Velar അവതരിപ്പിച്ചു
ബ്രിട്ടീഷ് ആഡംബര വാഹനമായ Velar-ന്റെ പുതിയ പതിപ്പിനെ JLR അവതരിപ്പിച്ചു. 94.30 ലക്ഷം രൂപയാണ് വേലാറിന്റെ എക്സ്-ഷോറൂം വില. രണ്ട് പവർട്രെയിൻ ഓപ്ഷനുമായി വരുന്ന ഈ എസ്‌യുവി HSE Dynamic എന്ന ട്രിമ്മിലാണ് ലഭ്യമാവുക.
2 ലിറ്റർ പെട്രോൾ, 2 ലിറ്റർ ഡീസൽ എന്നീ എൻജിൻ ഓപ്ഷനുകളാണുള്ളത്. ഈ രണ്ട് എൻജിനും ഘടിപ്പിച്ചിട്ടുള്ളത് 8-സ്പീഡ് ഓട്ടോമാറ്റിക് ഗിയർബോക്സിനൊപ്പമാണ്. പെട്രോൾ എൻജിൻ 184 kW പവറും 365 Nm ടോർക്കും ഉൽപാദിപ്പിക്കുമ്പോൾ, ഡീസൽ എൻജിൻ 150 kw പവറും 430 Nm ടോർക്കും ഉൽപാദിപ്പിക്കുന്നു.
റേഞ്ച് റോവർ വെലാർ ബ്രാൻഡിന്റെ പുതിയ ഡിസൈൻ ഫിലോസഫിക്കാണ് തുടക്കമിടുന്നത്. പുതുക്കിയ പുറംഭാഗവും നവീകരിച്ച ഇന്റീരിയറുമാണ് Velar-നുള്ളത്. ഫ്ലോട്ടിംഗ് റൂഫ്, flush deployable ഡോർ ഹാൻഡിലുകൾ എന്നിവയ്‌ക്കൊപ്പം പുതിയ ഗ്രില്ലും രൂപകൽപ്പനയിൽ ഉൾപ്പെടുന്നു. ക്യാബിന് അകത്ത് പുത്തൻ സാങ്കേതിക വിദ്യകളാൽ ഒരുക്കിയിട്ടുള്ള നിരവധി സംവിധാനങ്ങൾ യാത്രക്കാരുടെ കംഫർട്ടും സൗകര്യങ്ങളും ഉറപ്പുവരുത്തുന്നു.
11.4 ഇഞ്ച് ടച്ച്സ്‌ക്രീൻ ഇൻഫോടൈൻമെന്റ് സിസ്റ്റം, four-zone ക്ലൈമറ്റ് കണ്ട്രോൾ, വയർലെസ് ചാർജർ, Meridian ബ്രാൻഡിന്റെ മ്യൂസിക് സിസ്റ്റം, ഇരുപത് രീതിയിൽ ക്രമീകരിക്കാവുന്ന വെന്റിലേഷൻ സംവിധാനവും മസാജ് സൗകര്യവും ഉള്ള മുൻനിര സീറ്റുകൾ, ഇലക്ട്രിക് പവേർഡ് ടെയിൽഗേറ്റ്, പനോരമിക് സൺറൂഫ്, 360-ഡിഗ്രി കാമറ, എയർ പ്യൂരിഫയർ എന്നിവയാണ് മുഖ്യ ഫീച്ചേഴ്‌സുകൾ.
പുതുക്കിയ മുൻ - പിൻ ബമ്പറുകൾ, പുതിയ ഗ്രിൽ, pixel LED ഹെഡ്ലൈറ്റുകൾ, ഇലക്ട്രോണിക് എയർ സസ്‌പെൻഷൻ, 20-ഇഞ്ച് Satin Dark Grey അലോയ് വീലുകൾ എന്നിവയാണ് എക്സ്റ്റീരിയറിലെ കാഴ്ചകൾ.
നാല് നിറവകഭേദങ്ങളാണ് പുതിയ വെലാറിനുള്ളത്. Zadar grey, Varesine Blue, Fuji White, Santorini Black എന്നിവയാണ് നിറങ്ങൾ. Deep Garnet, Caraway എന്നീ രണ്ട് തീമുകളിൽ നിന്ന് ഇന്റീരിയറും തെരഞ്ഞെടുക്കാം.
